陳宇琛丨孖大眼女友放閃鄭則士打邊爐齋食生

陳宇琛孖大眼女友放閃

見記者笑容一致

37歲石仔(石修兒子)陳宇琛，同大眼空姐女友Camille拍拖兩年，最近佢終於的起心肝，話呢一年要搏殺儲錢娶老婆。口頭承諾咗女友，石仔近排去到邊到黐到Camille實一實。

噚晚10點，又見佢哋喺跑馬地甜蜜放閃，孖實去便利店買嘢，就算對住個雜誌架，石仔同女友都研究一大輪，行出門口見到記者，笑容仲好鬼一致，未結婚已經咁合拍，睇嚟修哥好快有新抱茶飲啦！

鄭則士戒口減10磅

打邊爐齋食生菜

近排天氣時冷時暖，加上香港潮濕就更加難頂，最好做啲乜？梗係約埋三五知己圍埋打邊爐啦！

3年冇拍過無綫劇嘅鄭則士（Ken哥），最近就回巢孭飛拍新劇。噚日黃昏6點，Ken哥趁住有空檔，約埋同劇嘅黃光亮去坑口大排檔打邊爐。佢哋一行四人叫咗個羊腩煲同埋幾碟小炒，再叫多支啤酒啤啤佢，不過本身噸位唔弱嘅Ken哥，就只係狂夾生菜，掂都冇掂過面前碟羊腩同小菜。

查實Ken哥近年除咗戒食消夜，食嘢都好清淡吓，肚餓都係搵梳打餅醫肚，所以拍劇呢兩個月，Ken哥已經瘦咗差唔多10磅，由加大碼變咗做大碼。

香港TVB资讯台ChannelTVB

新闻来源/香港各大新闻网站

杂志来源/FACE壹周刊

编辑整理/台叔

微博?香港TVB资讯台

觉得不错请点赞

赞赏